No amoi a herzlich´s Grüaß Gott auf da Homepage vom Bauern in Agg!
Es freud uns sehr, daß es unser Seit`n o`schaugts, mia hoffan, daß mia an guaden Eindruck auf eng macha kennan.
Jetzt aba ebbas üba uns und unser Haus:
Unsa Haus is a klassischer boarischer Landgasthof mit Pension, wundersche g`legn in de boarischen Alpen in Agg, am Ortsteil vo Oberaudorf!
Ganz nah bei Kufstein (10 km - Tirol), bloß 80 km vo Mingga (München) und 80 km vo Salzburg weg g`legen liegen mia so zentral in de boarischen Alpen, daß a jeder dens amoi druckt, an scheena Tagesausflug unternehma ko!
Für de Bergsteiger und Wanderer unter eich san mia a guads Ziel, da ma vo uns aus unzählige scheene Touren in unser Boarische, aber a in de Tiroler Bergwelt mit kurzen Anfahrtswegen, bzw. ohne Anfahrt unternehma ko! Mia ham neba de Berg a scheene Seen, unter anderem as Boarische Meer - an Chiemsee - mitsamt de weltbekannten Inseln Herrenchiemsee mit´m Schloß vom Kini Ludwig II. und da Fraueninsel mit`m Kloster! Andere scheene Ausflugsziele in unserer Nachn`d gibts aso vui, daß oa Homepage gar net glanga dad!
Im Winter seit´s bei uns a guat versorgt, mia ham as Hocheck direkt in Oberaudorf mit Deutschlands längster Flutlichtpiste, Komplettbeschneiung und a Rodelbahn de a beschniem werd! Dazu ham mia no as Sudelfeld am Ort und andere bekannte Skigebiete san in kürzester Zeit erreichbar!
A mit unserer Gastronomie kennan mia uns seng lassen - mia ham für euch zwoa wunderscheene boarische Gasträume für knapp hundert Leut, und oan "kloan" Raum für bis zu 15-18 Leut, den ma wunderschee für kloane Familienfeiern hernehma ko! Desweiteren ham mia an teilweise überdachten Biergarten mit am wunderbaren Blick aufs boarische Inntal, sowia as ganze Tiroler "Kaiserland" mit´m Zahmen Kaiser, am Erler und Niederndorfer Berg!
Für as leibliche Wohl bieten mia euch a scheene und abwechslungsreiche boarische Küche, in der mia hauptsächlich Waren und Produkte aus der Region verarbeiten! Mit täglich und jahreszeitlich wechselnde Schmankerl möchten mia, des hoaßt da Chef des Hauses, da Peter mit seim Team verwöhnen!
A ois Ausflugsziel san mia a bekannte Adress`, net nur weg`n unsere Brotzeiten, a weg`n unsere hausgmachten Strudel, Kuacha und Torten!
Und jetzt wünsch ma euch no vui Spaß beim weitersurfen auf unsara Homepage!!!